Bosh prokuratura huzuridagi Departamentning Qo‘shtepa tumani bo‘limi va IIB xodimlari hamkorligida o‘tkazilgan tezkor tadbirda “Qiyqi” MFYda harakatlanib kelayotgan “Neksiya-2” rusumli avtomashina to‘xtatilib ko‘zdan kechirilganda, tamaki mahsulotlari savdosi bilan shug‘ullanib kelgan fuqarolar X.B. va R.B. xorijda ishlab chiqarilgan umumiy bahosi 80,3 mln so‘mlik jami 2 296 quti aksiz markasiz tamaki mahsulotini Qo‘shtepa tumanida o‘tkazish maqsadida olib kelayotganligi aniqlanib, tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 25, 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Ertaga O‘zbekistonda qor yog‘ishi kutilmoqda
16 dekabr kuni yana izg‘irin sovuq qaytadi
Qo‘shma Shtatlar Rossiyaga qarshi bayonot bilan chiqdi
