Falastinliklar uylarining vayron bo‘lganini ko‘rib, umidsizlikka tushishdi

G‘azo sektori bo‘ylab o‘z uylariga qaytgan falastinliklar ko‘pincha bir paytlar gavjum bo‘lgan mahallalar o‘rnida vayronalar uyumini ko‘rishdi.

"Yashash yoki qolish uchun biror joy toparmiz deb o‘ylagandik," - dedi olti farzandli yolg‘iz ona Manal Salim G‘azo janubidagi Rafohdagi uyiga qaytgani haqida Associated Press nashriga. - "Vayronagarchilik dahshatli. Bu qiyomat kuniga o‘xshaydi."

"Bu mening uyim. Men uni 25 yil davomida g‘isht-g‘isht qilib qurgandim," - dedi u bir paytlar sartarosh bo‘lib ishlagan va ko‘ylaklar ijaraga bergan uyidan yirtilgan kiyimlarni tortib chiqarar ekan.

Uch qavatli binoda joylashgan uyi va elektr jihozlari do‘koni butunlay vayron bo‘lganini ko‘rgan Murod Miqdod: "Hech narsa topolmadik," - dedi. - "Uydan hech narsa olib chiqib bo‘lmaydi, agar biror narsani olishga muvaffaq bo‘lsang ham, baribir undan foydalana olmaysan."