Falastin Jenindagi jangarilarga qarshi kurashda AQShdan harbiy yordam so‘radi

Falastin ma’muriyati Jenin shahri va qochqinlar lageri ustidan nazoratni tiklash uchun operasiya o‘tkazish uchun AQShdan yordam so‘radi.

Bu haqda Axios portali xabar bermoqda.

Uning manbalariga ko‘ra, Falastin ma’muriyati AQSh xavfsizlik bo‘yicha koordinatori Mayk Fenselga Falastin xavfsizlik kuchlari zudlik bilan zarur bo‘lgan asbob-uskunalar va o‘q-dorilar ro‘yxatini taqdim etgan.

Axiosning eslatishicha, Falastin ma’muriyatiga har qanday harbiy yordam faqat Isroilning roziligi bilan amalga oshirilishi mumkin.

Qayd etilishicha, AQSh prezidenti Jo Bayden ma’muriyati rasmiylari isroilliklardan o‘q-dorilar, dubulg‘alar, zirhlar, radiolar, tungi ko‘rish moslamalari, portlovchi moddalarni zararsizlantiruvchi kostyumlar va zirhli transport vositalarini zudlik bilan yetkazib berishni ma’qullashni so‘ragan.

Falastin va AQSh rasmiylarining aytishicha, Falastin yetakchilari Suriyada nazoratni o‘z qo‘liga olgan qurolli isyonchilar tomonidan jasoratlangan jangarilar Falastin ma’muriyatini ag‘darishga urinib ko‘rishi mumkinligidan xavotirlar tufayli Jenindagi operasiyani boshlagan.