Click va ATTO kompaniyalari hamkorligida ishlab chiqilgan FacePay texnologiyasi Toshkent metrosining yana bir yo‘nalishida — Chilonzor liniyasida ham joriy etildi. Yangi tizim orqali metropolitenda yurish yanada qulay, tez va xavfsiz bo‘ladi.
FacePay dastlab Yunusobod yo‘nalishida sinov tariqasida joriy qilingan edi. Endi esa ushbu xizmat Chilonzor liniyasidagi barcha bekatlarda ham faoliyat yuritmoqda. Yaqin oylarda FacePay boshqa yo‘nalishlarga ham bosqichma-bosqich kiritilishi kutilmoqda.
Tizimdan foydalanish uchun ClickSuperApp ichidagi FacePay mini-ilovasi orqali biometrik ro‘yxatdan o‘tib, xizmatni faollashtirish kifoya. Keyin esa yo‘lovchi shunchaki turniketga yaqinlashib, ekranga qarashi bilan to‘lov amalga oshiriladi — nafaqat karta yoki telefonga ehtiyoj qolmaydi, balki navbatda turish ham shart emas.
FacePay nafaqat vaqtni tejaydi va harakatni yengillashtiradi, balki ekologik jihatdan ham foydali hisoblanadi — qog‘oz chiptalar va cheklardan voz kechish atrof-muhitga bo‘lgan ta’sirni kamaytiradi.
Tizimning xavfsizligi yuqori darajada ta’minlangan bo‘lib, barcha jarayonlar to‘liq avtomatlashtirilgan.
Dollar va yevro keskin ko‘tarildi
Dollar kursida shiddatli pasayish kuzatildi
“Keling, shunday kelishaylik: Biz Ukrainada bunday raketalarni ma’lum miqdorda joylashtiramiz"
