“Ey, Fransiya terma jamoasi, biz Qozonda Messini to‘xtatish yo‘lini bilamiz”

Rossiyaning “Rubin” klubi Fransiya terma jamoasiga Messini to‘xtatish sirini aytmoqchi.

Ma’lumot uchun, “Rubin” “Barselona” bilan 2009 va 2010 yillarda Chempionlar ligasi doirasida Qozonda o‘ynagan. Ikkala o‘yinda ham Qurbon Berdiyev shogirdlari durang qayd etishgan. Qizig‘i, Lionel Messi ikkala o‘yinda ham gol kirita olmagan.

Bugun Fransiya terma jamoasi Argentina qarshi aynan Qozonda to‘p suradi. Shu bois Rubin klubi Fransiya terma jamoasiga yordam bermoqchi.

“Ey, Fransiya terma jamoasi, biz Qozonda Messini to‘xtatish yo‘lini bilamiz. Agar sizga bu borada batafsil ma’lumot kerak bo‘lsa, biz bilan aloqaga chiqing”, deb yozdi “Rubin” tvitterdagi rasmiy sahifasida.