Evropaning olti davlati Rossiyaga bosimni davom ettirish va yangi sanksiyalar joriy etishga tayyor ekanini bildirdi

Germaniya, Fransiya, Italiya, Polsha, Ispaniya va Buyuk Britaniya tashqi ishlar vazirlari qo‘shma bayonot e’lon qildi.

Bayonotda qayd etilishicha, Ukraina oldindan shartlarsiz to‘liq o‘t ochishni to‘xtatishga rozi bo‘lish orqali tinchlikka sodiqligini namoyish etdi, ammo Rossiyaning Ukrainaga qarshi tajovuzi to‘xtamadi.

"Biz Rossiyaga qarshi bosimni yanada kuchaytirishga tayyormiz. Barcha mavjud vositalarni, jumladan, yangi sanksiyalar joriy etishni ko‘rib chiqamiz. Moskva tajovuzkor urush olib borish imkoniyatidan mahrum bo‘lishi va Ukraina adolatli hamda barqaror tinchlikni ta’minlash yo‘lida eng yaxshi pozisiyaga ega bo‘lishi zarur. Tinchlik adolatli bo‘lishi kerak va Rossiyaning tajovuzi uning mukofotlanishi bilan yakunlanmasligi lozim", deyiladi qo‘shma bayonotda.