Evropa Ittifoqi va Buyuk Britaniya Kiyevga uyushtirilgan hujum tufayli Rossiya elchilarini chaqirtirdi, deb xabar bermoqda DW nashri.
Nashr manbalariga ko‘ra, Buyuk Britaniya tashqi ishlar vazirligi Rossiya elchisi Andrey Kelinga Kiyevga uyushtirilgan hujum munosabati bilan chaqiruv yubordi. Hujum oqibatida Kiyevdagi “Britaniya Kengashi” (British Council) binosi zarar ko‘rgan.
"Kiyevdagi fuqarolik ob’ektlarini nishonga olgan, shu jumladan, British Council binosiga zarar yetkazgan Rossiyaning bema’ni va dahshatli hujumlaridan aziyat chekkanlarning barchasi bilan hamdardmiz. Putin bolalarni va tinch aholini qurbon qilmoqda, tinchlik umidlarini yo‘q qilmoqda. Bu qon to‘kilishi to‘xtashi kerak", — deya ta’kidladi yozdi Buyuk Britaniya bosh vaziri Kir Starmer.
Bundan tashqari Yevropa diplomatiyasi rahbari Kaya Kallas ham Kiyevga uyushtirilgan hujumlar uchun Rossiyaning Yevroittifoqdagi elchisi Bryusselga chaqirtirilganini ma’lum qildi.
"Rossiya hujumi oqibatida Yevropa Ittifoqining Kiyevdagi vakolatxonasi binosi zarar ko‘rgach, men Ukrainadagi YEI vakillari bilan suhbatlashdim. Ukrainani qo‘llab-quvvatlashdagi qat’iyligingiz bizga kuch bag‘ishlaydi. Hech bir diplomatik missiya hujum nishoni bo‘lmasligi kerak", — deb yozdi Kallas X ijtimoiy tarmog‘ida.
Eslatib o‘tamiz, 28 avgustga o‘tar kechasi Rossiya Kiyevga raketalar va dronlar bilan hujum uyushtirgan edi. So‘nggi ma’lumotlarga ko‘ra, mazkur zarbalar oqibatida kamida 18 kishi halok bo‘lgan.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
