Polsha Yevropadagi harbiy yoshdagi ukrainalik erkaklarga ijtimoiy to‘lovlarni to‘lashni to‘xtatish tarafdori, ularni vatanga qaytishga va Rossiya bosqiniga qarshi kurashishga undaydi, dedi Polsha tashqi ishlar vaziri Radoslav Sikorski Kiyevda bo‘lib o‘tgan Yalta Yevropa strategiyasi (ES) anjumanida.
Sikorski Polsha qochqinlarga bunday to‘lovlar bermasligini ta’kidlab, Yevropaning boshqa davlatlarini o‘z taklifini amalga oshirishga chaqirdi. «Ukrainada muddatli harbiy xizmatdan qochish uchun hech qanday moddiy rag‘bat bo‘lmasligi kerak», deb hisoblaydi u.
Sikorskiy Germaniyani misol qilib keltirdi. «Hozirda Germaniyada vaqtinchalik himoya ostida bo‘lgan ukrainaliklarga katta yordam ko‘rsatilmoqda», - deya uning so‘zlaridan iqtibos keltiradi «European Pravda». Vazirning aniqlik kiritishicha, gap 500 yevrodan oshgan to‘lovlar haqida bormoqda va uy-joy uchun tovon to‘lash bilan bir kishi boshiga oyiga 1000 yevrodan ko‘proq haqida gapirish mumkin.
Ukraina tashqi ishlar vaziri Andrey Sibiga Yevropada erkaklarni ijtimoiy imtiyozlardan mahrum qilish g‘oyasini «qo‘llab-quvvatlashini», ammo buning uchun «tegishli shartlar» kerakligini aytdi. Uning so‘zlariga ko‘ra, mamlakat tashqarisida millionga yaqin safarbarlik yoshidagi erkaklar, jumladan, Polshada 300 ming nafari bor.
O‘zbekistonga yana qorli sovuq havo kirib kelmoqda
Saudiya Arabistoni xazina topdi, neft konlarida «oq oltin» aniqlandi
Isroil g‘arazli maqsadini e’lon qildi
