E’tiborsizlik qilib bo‘lmaydi: KXDR askarlari Ukrainada zamonaviy urushni o‘rganadi va buning oqiblari yomon bo‘ladi

Zelenskiy ittifoqchilarini Shimoliy Koreya tahdidini e’tiborsiz qoldirmaslik haqida ogohlantirdi.

Ukraina prezidenti Vladimir Zelenskiy G‘arb ittifoqchilarini Shimoliy Koreya Rossiya armiyasiga Ukrainada yordam berish uchun qo‘shin yuborganini shunchaki «kuzatishni» to‘xtatishga chaqirdi.

«Shimoliy Koreyadan kelgan dastlabki minglab askar Ukraina chegarasi yaqinida joylashgan. Ukrainaliklar ulardan o‘zlarini himoya qilishga majbur bo‘ladi», - dedi u. «Va dunyo yana tomosha qilib turadi.»

Zelenskiyning aytishicha, shimoliy koreyaliklarning mavjudligi kengroq oqibatlarga olib kelishi mumkin, chunki qo‘shinlar endi «zamonaviy urushni o‘rganishadi».

U Kiyevga Rossiya hududida uzoq masofaga uchuvchi qurollardan foydalanishga ruxsat bermaslikda davom etayotgan ittifoqchilarni qoraladi.

«Ammo bunday zarur uzoq masofali salohiyat o‘rniga Amerika kuzatmoqda, Britaniya kuzatmoqda, Germaniya kuzatmoqda,» dedi u.