13 fevral, seshanba kuni Riygikogu (parlament) konstitusiyaviy komissiyasi 30 ming imzo to‘plagan Estoniya bosh vaziri Kai Kallasning iste’foga chiqishi haqidagi petisiyani ko‘rib chiqishni boshlaydi, deb xabar bermoqda ERR milliy teleradiokompaniyasi.
«Oxirgi so‘rovlarga ko‘ra, aholining uchdan ikki qismi Kay Kallasning iste’fosini qo‘llab-quvvatlamoqda; Markaz partiyasi kampaniyasi davomida to‘plangan 30 ming imzo jamoatchilikning Bosh vazir ishidan noroziligini aks ettiradi», — dedi deputat Anastasiya Kovalenko-Kilvart.
Islohotlar partiyasi hukumati Estoniya iqtisodiyoti ketma-ket uchinchi yil pasayib borayotganini, oilalar qashshoqlashayotganini, korxonalar bankrot bo‘lib, ishsizlik ortib borayotganini befarq kuzatmoqda, dedi deputat.
«Bosh vazir odamlarga yordamga kelish o‘rniga soliqlarni oshirish va davlat xarajatlarini qisqartirish bilan band», - deydi Kovalenko-Kilvart.
Uning so‘zlariga ko‘ra, Estoniyada inflyasiya qo‘shni davlatlarga qaraganda ancha yuqori, iqtisodiy ko‘rsatkichlar esa pasaymoqda.
«Ayni paytda hukumat rahbari takabburlik ko‘rsatmoqda, vaziyatdan noligan odamlarni qoralamoqda», - deya ta’kidladi deputat.
Konstitusiyaviy komissiya majlisi mahalliy vaqt bilan soat 14:00da boshlanadi.