Eronning raketa salohiyati sekin zaiflashmoqda, yangi rahbariyat bilan hamkorlik imkoniyati ochiq — Tramp

Politico nashrining AQSh prezidentiga tayanib xabar berishicha, Eron raketa uchirish qurilmalarini yo‘qotmoqda va uning harbiy salohiyati asta-sekin zaiflashmoqda.

Donald Tramp Tehron hali ma’lum muddat raketa zarbalarini davom ettirishi mumkinligini, biroq umumiy imkoniyatlari kamayib borayotganini bildirgan.

Tramp, shuningdek, AQShda yetarli miqdorda qurol-yarog‘ zaxirasi mavjudligini va ishlab chiqarish sur’ati oshirilayotganini qayd etdi. Ayni paytda ayrim qonun chiqaruvchilar mamlakatda havo mudofaa tizimlari yetishmasligi mumkinligi haqida xavotir bildirmoqda.

AQSh yetakchisi agar Eronda yangi rahbariyat shakllansa, Qo‘shma Shtatlar ular bilan hamkorlik qilish imkoniyatini ham rad etmasligini ma’lum qildi.