Eronning Firuzobod yaqinida joylashgan zavodda yuz bergan portlash oqibatida 72 kishi tan jarohati olgan.
Erondagi zavodda yuz bergan portlashda 72 kishi jarohat oldi. Mahalliy "Tasnim" axborot agentligi xabariga ko‘ra, hodisa mamlakat janubidagi Fors viloyatidagi Firuzobod shahri yaqinida yuz bergan.
Qayd etilishicha, portlash sodir bo‘lgan korxona natriy karbonat ishlab chiqarish bilan shug‘ullangan. Ma’lumotlarga ko‘ra, hozirda voqea joyida favqulodda yordam xodimlari ammiak sizib chiqishi xavfini kamaytirishga harakat qilmoqda.