"Bugun Eron va AQSh o‘rtasida mahbuslar almashinuvi bo‘lib o‘tadi", deya ma’lum qildi Eron Tashqi ishlar vazirligi matbuot kotibi Nosir Kanaani.
"Menda mavjud bo‘lgan so‘nggi xabarlarga ko‘ra, mahbuslar almashinuvi bugun bo‘lib o‘tadi... Qo‘shma Shtatlardagi besh nafar eronlik mahbus ozod qilinadi, Erondagi besh nafar amerikalik mahbus AQShga topshiriladi", — deya Kanaanining so‘zlaridan iqtibos keltirmoqda mahalliy OAV.
