Eron tashqi ishlar vaziri Tehronga qarshi yangi sanksiyalari yuzasidan Fransiyaga norozilik bildirdi

Eron tashqi ishlar vaziri Abbos Araqchi fransiyalik hamkasbi Jan Noel Barroga Tehronga qarshi yangi sanksiyalar paketi qabul qilinishi munosabati bilan norozilik bildirdi.

Bu haqda Eron TIV xabarida aytiladi.

"Telefon muloqoti chog‘ida Araqchi Yevropa davlatlarining Eronga qarshi yangi sanksiyalar qabul qilinishi munosabati bilan amalga oshirayotgan asossiz va provokasion harakatlarini keskin tanqid qildi", — deyiladi bayonotda.

Diplomatlar, shuningdek, Eron yadro dasturi bo‘yicha Eron va Yevropa davlatlari o‘rtasidagi muzokaralar atrofidagi vaziyat va Yaqin Sharq mintaqasidagi so‘nggi voqealarni muhokama qildi.