Eron Quvaytga hujum qildi

Eron hujumi natijasida Quvayt shimolida kamida olti kishi jarohat oldi.

Bu haqda Al Jazeera Quvayt Sog‘liqni saqlash vazirligiga tayanib xabar bermoqda.

Xabarga ko‘ra, zarba Quvayt shimolidagi turar-joy hududiga qaratilgan.

Shu bilan birga, Islom inqilobi qo‘riqchilari korpusi Markaziy qo‘mondonligi (Xatam al-Anbiya) vakili Ibrohim Zulfakari Eron Quvaytning Bubiyan orolida joylashgan Amerika qo‘shinlariga zarba berganini xabar qildi.

Uning so‘zlariga ko‘ra, Amerika qo‘shinlari Eron tomonidan bir necha bor nishonga olingan Arifjondagi bazadan u yerga ko‘chib o‘tgan.

Bubiyan oroli Quvaytning eng katta dengiz oroli bo‘lib, Fors ko‘rfazining shimoli-g‘arbiy qismida joylashgan.