Эрон Қувайтга ҳужум қилди

Эрон ҳужуми натижасида Қувайт шимолида камида олти киши жароҳат олди.

Бу ҳақда Al Jazeera Қувайт Соғлиқни сақлаш вазирлигига таяниб хабар бермоқда.

Хабарга кўра, зарба Қувайт шимолидаги турар-жой ҳудудига қаратилган.

Шу билан бирга, Ислом инқилоби қўриқчилари корпуси Марказий қўмондонлиги (Хатам ал-Анбия) вакили Иброҳим Зулфакари Эрон Қувайтнинг Бубиян оролида жойлашган Америка қўшинларига зарба берганини хабар қилди.

Унинг сўзларига кўра, Америка қўшинлари Эрон томонидан бир неча бор нишонга олинган Арифжондаги базадан у ерга кўчиб ўтган.

Бубиян ороли Қувайтнинг энг катта денгиз ороли бўлиб, Форс кўрфазининг шимоли-ғарбий қисмида жойлашган.