Eron Quvaytdagi halqaro aeroportga raketalar hujumini uyushtirdi

Eron Quvaytga raketalar va dronlarni uchirdi.

Bu haqda KUNA axborot agentligi Quvayt Mudofaa vazirligi vakili Saud al-Atvanga tayanib xabar bermoqda.

"So‘nggi 24 soat ichida Quvayt rasmiylari 20 ta ballistik raketa va to‘qqizta dronning uchirilganini qayd etishdi. O‘n uchta raketa va oltita dron yo‘q qilindi", deyiladi bayonotda.

Vazirlik vakilining so‘zlariga ko‘ra, Erondan uchirilgan ikkita dron Quvayt xalqaro aeroportidagi yoqilg‘i bakiga urilgan. Bakda sodir bo‘lgan yong‘inni o‘chirishda armiya va Milliy gvardiya kabi bir qancha agentliklar ishtirok etdi.