Eron prezidenti: "Xalqga xizmat qila olmasam, mansabni egallamasligim kerak"

Eron rahbariyati o‘z fuqarolarining farovonligini saqlab qolish va yaxshilash uchun barcha imkoniyatlarni ishga soladi.

Bu haqda Eron prezidenti Masud Pezeshkyan ma’lum qildi.

"Xalqga xizmat qila olmasam, mansabni egallamasligim kerak. Agar mas’uliyat menda bo‘lsa, muammoni hal qilishim kerak", - deydi u.

Fuqarolar muammolarini hal etish zarurligini ta’kidladi: “Biz befarq bo‘lmaymiz, qashshoqlik va ochlik bilan kurashish uchun hamma narsani qilamiz”.

Erondagi iqtisodiy vaziyat Isroil bilan 12 kunlik urushdan keyin yomonlashdi. Yana bir omil AQShning harbiy harakatlarga aralashuvi ortidan Eron-Amerika yadroviy muzokaralarining to‘xtatilishi bo‘ldi. Tehron G‘arbning keng qamrovli sanksiyalariga duch kelmoqda. Bu o‘zgarishlar fonida Eronda 28 dekabrda boshlangan ishchilarning norozilik namoyishlari ikki kundan beri davom etmoqda. Xavfsizlik kuchlari va namoyishchilar o‘rtasida to‘qnashuvlar ham kuzatilgan. Biroq qurbonlar, jarohatlanganlar va hibsga olinganlar haqida xabar berilmagan.