Eron prezidenti Mas’ud Pezeshkiyon o‘z maoshini milliy maktab qurilishi kampaniyasiga xayriya qildi

Bu haqda Eronning Maktablarni ta’mirlash, rivojlantirish va jihozlash bo‘yicha milliy tashkilot rahbari Reza Xonmuhammadiy SNNTV telekanalida e’lon qildi.

Xonmuhammadiyning so‘zlariga ko‘ra, prezident 30 oktyabr kuni qurilish sanoati vakillari va donorlar bilan uchrashuvda o‘z oyligidan tushayotgan mablag‘larning bir qismini maktab qurilishiga sarflashga va’da bergan. Rasmiy depozit varaqasi bilan tasdiqlanganidek, pullarni o‘tkazish 1 noyabr kuni amalga oshirilgan.