Eron iqtisodiyotini «bo‘g‘ish»

Tramp saylovoldi kampaniyasi davomida AQSh prezidenti Jo Baydenni Eronga nisbatan zaiflikda aybladi. U, shuningdek, Eron rahbariyati unga qarshi hujumlar rejalashtirayotganini da’vo qildi va Eronni yo‘q qilish bilan tahdid qildi.

Tramp o‘zining rahbarligi ostida hamma narsa o‘zgarishini aytgan.

Londonda joylashgan Chatham House tahlil markazining Yaqin Sharq va Shimoliy Afrika dasturi direktori Sanam Vakil, «Trampning Eron siyosatini real ko‘rinishda ko‘rish muhim» dedi.

«Tramp Eronning mintaqaviy va yadroviy faoliyatini cheklamoqchi va Eron rejimining xatti-harakatlarini maksimal bosim kampaniyasi va Eron iqtisodiyotini bo‘g‘ish orqali o‘zgartirishga majburlamoqchi», dedi Vakil.

Vakilning aytishicha, Eron to‘g‘ridan-to‘g‘ri aloqa qilishdan qochadi va AQShning yangi ma’muriyati bilan aloqa qilish uchun norasmiy kanallarga tayanadi. «Eron, albatta, kelayotgan ma’muriyatga xabar berish uchun orqa kanallarga tayanadi va qatarliklar bunday niyatlarni bildirishda yaxshi rol o‘ynaydi.»