Eron Hormuz bo‘g‘ozidagi yangi nazorat chegaralarini belgilab oldi

Eron harbiylari Hormuz bo‘g‘ozida nazorat zonasini belgilab oldi.

Tasnim axborot agentligi manba sifatida Islom inqilobi qo‘riqchilari korpusi (IIQK) dengiz kuchlari xaritasini keltirdi.

Unda "Hormuz bo‘g‘ozida Eron dengiz flotining yangi nazorat va qo‘mondonlik chegaralari" ko‘rsatilgan. Bo‘g‘ozning g‘arbida zona Eronning Qeshm orolining g‘arbiy chekkasidan BAAdagi Umm al-Kuvayn sharqidagi nuqtagacha bo‘lgan to‘g‘ri chiziq bilan chegaralangan. Hormuz bo‘g‘ozining sharqida zona Eronning Kuh Muborak qishlog‘idan Amirliklarning Fujayra shahrining janubidagi nuqtagacha bo‘lgan to‘g‘ri chiziq bilan chegaralangan.

Keyinchalik Xatam al-Anbiya markaziy shtabi qo‘mondoni Ali Abdullohiy Eron AQShni Hormuz bo‘g‘oziga yaqinlashishdan ogohlantirayotganini va Amerika kuchlariga hujum qilishga tayyor ekanligini ma’lum qildi.