Eron Hamas yetakchisining o‘limi uchun qasosni kerakli vaqtda oladi

"Tehron Falastinning Hamas harakati siyosiy byurosi rahbari Ismoil Haniyaning o‘ldirilishida Isroilni ayblaydi va «kerakli vaqtda» qasos olishni rejalashtirmoqda”, dedi Eron Islom inqilobi qo‘riqchilari korpusi tergov yakunlari bo‘yicha bayonotda.

«O‘ysiz va terrorchi sionistik rejim (Isroil davlati) bu jinoyati uchun javob beradi va tegishli vaqt va joyda tegishli tarzda qattiq jazolanadi», — deyiladi bayonotda.

Ma’lum qilinishicha, Hamas yetakchisi 7 kilogrammlik jangovar kallakka ega qisqa masofaga uchuvchi snaryad bilan o‘ldirilgan. Isroil AQSh hukumati ko‘magida Haniyaning o‘ldirilishini uyushtirgan.