Turkiya prezidenti Rajab Toyyib Erdo‘g‘on AQShning yangi saylangan prezidenti Donald Tramp ikkinchi muddatda Yaqin Sharq masalasiga boshqacha yondashishiga umid qilishini aytdi, deb xabar bermoqda Turkiyaning NTV telekanali.
«Umidimiz shuki, Tramp bu muddatda mintaqaga nisbatan juda boshqacha qadamlar tashlaydi, chunki vaqti-vaqti bilan berilayotgan xabarlar bizni tashvishga solmoqda», dedi Erdog‘an Ozarbayjon poytaxti Bokudan qaytishi chog‘ida jurnalistlarga bergan intervyusida.
Turkiya-AQSh munosabatlari Trampning birinchi muddatida Suriya bo‘yicha kelishmovchiliklar, xususan, AQShning u yerda kurd harakatini qo‘llab-quvvatlashi va AQShning Eronga qarshi sanksiyalarni chetlab o‘tgani uchun davlat nazoratidagi Halkbank boshqaruvchisini ayblashi tufayli yomonlashgan.
2020 yilda Tramp ma’muriyati Turkiyaga Rossiyadan havo mudofaa tizimini sotib olgani uchun ham sanksiyalar kiritgan edi.
