Erdo‘g‘on: "Netanyaxu bombardimon qilish orqali Isroil xalqi orasida yo‘qolgan obro‘sini tiklashga harakat qilmoqda"

Turkiya prezidenti Rajab Toyyib Erdo‘g‘on Isroil bosh vaziri Binyamin Netanyaxu G‘azo sektoridagi shifoxonalarni bombardimon qilish orqali yahudiy davlati aholisi o‘rtasida obro‘-e’tiborni tiklashga urinayotganini aytdi. Bu haqda u vazirlar mahkamasi yig‘ilishidan so‘ng ma’lum qildi.

"Netanyaxu kasalxonalar, ibodatxonalar va maktablarni bombardimon qilish orqali Isroil xalqi orasida o‘zining yo‘qolgan obro‘sini tiklashga harakat qilmoqda", - dedi Turkiya prezidenti.

Uning so‘zlariga ko‘ra, anklavdagi deyarli barcha shifoxonalar yo vayron bo‘lgan, shikastlangan yoki yaroqsiz holga kelgan.

"Biz barchamiz Al-Ahli va Al-Shifa shifoxonalarida sodir bo‘lgan vahshiyliklarni kuzatdik va Isroilning bu shifoxonalar haqidagi bayonotlari mutlaqo yolg‘on ekanini tushundik”, — dedi Erdo‘g‘an.