Engil atletikachilarimiz qit’a chempionatida 2 ta medalli bo‘ldi

Janubiy Koreyaning Mokpxo shahrida yengil atletikaning uloqtirish turlari bo‘yicha o‘tkazilayotgan Osiyo chempionatini O‘zbekiston terma jamoasi a’zolari 1 tadan kumush va bronza medallari bilan yakunladi. Bu haqida O‘zbekiston milliy axborot agentligi — UzA yozmoqda.

Qit’a chempionatining shiddatli bahslarida terma jamoamiz a’zolaridan Zarina Nosirjonova bosqon uloqtirish musobaqasida 64,54 metr natija bilan kumush medalga egalik qildi.

Chempionatning yadro uloqtirish bahslarida mahoratli sportchimiz Malika Nasriddinova 17,06 metr ko‘rsatkichni qayd etgan holda bronza medali sohibiga aylandi.