Energiyani talon-toroj qilganlarga qarshi qat’iy choralar ko‘rilmoqda

Muqaddam xabar berilganidek, Bosh prokuror o‘rinbosari SH.Aminov rahbarligidagi ishchi guruhlar tomonidan hududlarda tabiiy gaz va elektr energiyasini uzatishdagi yo‘qotishlarni qisqartirish, energiya resurslarini iqtisod qilish, ularni talon-toroj qilish holatlarini oldini olish borasida ishlar davom ettirilmoqda.

Xususan, joriy yilning 28 may kuni 308 ta energoresurslarni yo‘qotish holatlari hamda 472 ta holatda 3,9 mlrd. so‘mlik talon-toroj qilish holatlari aniqlandi.

Shu bilan birga, gaz taqsimlash punktlarining 7 tasi almashtirildi va 142 tasi ta’mirlandi, 1 277 ta xonadon ikki bosqichli tizimga o‘tkazildi, 5 228 ta gaz hisoblagich batareyasi almashtirildi, 3 800 ta gaz hisoblagichining aloqasi tiklandi, 14 ta yangi transformator o‘rnatildi, 196 km. tarmoq, 247 ta transformator punktlari ta’mirlandi, 18 km. yuqori yuklamali tarmoqlarda simlar almashtirildi.

Shuningdek, qonunbuzilishga yo‘l qo‘ygan 8 nafar shaxslar ma’muriy va intizomiy javobgarlikka tortildi, 12 ta jinoyat ishlari qo‘zg‘atildi.

Bu boradagi tadbirlar va amaliy ishlar davom ettirilmoqda.