Shanba kuni bo‘lib o‘tadigan klasikoni kim boshqarishi ma’lum bo‘ldi.
El Chiringuito xabariga ko‘ra, La Liga 11-turidan o‘rin olgan «Real» — «Barselona» uchrashuviga Xose Mariya Sanches Martines bosh hakam etib tayinlangan.
Eslatib o‘tamiz, Sanches Martines aprel oyida bo‘lib o‘tgan klasikoda VAR uchun javobgar edi — «Real» 3:2 hisobida g‘alaba qozongan. O‘sha o‘yinda kataloniyaliklar vingeri Lamin Yamalning zarbasidan so‘ng to‘p darvoza chizig‘ini kesib o‘tmagan deb topilgani bahslarga sabab bo‘lgandi.