Ekvadorning eng xavfli jinoyatchilaridan biri qamoqdan qochib ketdi

Ekvadorning eng shafqatsiz jinoiy guruhlaridan biri, "Fede" laqabli Los Aguilas rahbari mamlakatning eng xavfli jinoyatchilari saqlanadigan Guayakil shahridagi qamoqxonadan qochib ketdi.

Bu haqda Ekvador prezidenti Daniel Noboa uning qochib ketganini ma’lum qilgan.

Janubiy Amerika davlati rahbari “Fede”ning g‘oyib bo‘lishini tashkil qilishda qamoqxona xodimlarining “sherikligi” borligini ta’kidladi va gumon qilinayotgan qamoqxona qo‘riqchilari ustidan tergov o‘tkazilishini talab qildi.

"Fedening qochib ketishi tasodif emas, bu sheriklik edi. Shu bois, men qochishga aloqadorlikda gumon qilingan barcha qamoqxona xodimlarini prokuratura ularning javobgarligini aniqlagunicha hibsga olishni talab qildim", deb yozdi Noboa ijtimoiy tarmoqlarida.

Mahalliy OAV jinoyatchi qamoqxonani askar kiyimida tark etgan bo‘lishi mumkinligini xabar qildi. "Fede" qidiruvi natijalari haqida hozircha ma’lumot yo‘q. Guruh rahbari shu yilning yanvar oyida Noboa jinoiy guruhlar va kartellarga qarshi “urush” e’lon qilganidan keyin hibsga olingan edi.