O‘zbekiston Davlat xavfsizlik xizmati raisi Abdusalom Azizov 6 may kuni Farg‘ona shahrida Qirg‘iziston milliy xavfsizlik qo‘mitasi raisi Qamchibek Tashiyev hamda Tojikiston milliy xavfsizlik qo‘mitasi raisi Saymo‘min Yatimov bilan uchrashdi.
Tomonlar uchrashuvda mintaqaviy xavfsizlik, terrorizm, narkotrafikka qarshi kurashish hamda chegara masalalarini muhokama qilgan.
Muzokaralar davomida tomonlar qirg‘iz-tojik chegaralarini delimitasiya qilish va o‘zbek-qirg‘iz davlat chegaralarini demarkasiya qilish jarayonlarini jadallashtirish bo‘yicha kelishuvlarga erishgan.
