Hujjatni respublikachi Lindsi Grem va demokrat Richard Blyumental e’lon qildi. Mazkur hujjat Moskvaga qarshi yangi birlamchi sanksiyalar, shuningdek, Rossiya nefti, gazi, urani va boshqa mahsulotlarni sotib oluvchi mamlakatlar uchun importga 500 foizlik bojlar joriy etishni nazarda tutadi. Tashabbusga AQSh Senatidagi 100 nafar senatordan 50 nafari hammualliflik qildi. Ulardan 25 nafari respublikachi, 24 nafari demokrat va bir nafari mustaqil senator hisoblanadi.
"Agar Rossiya Ukraina bilan mustahkam tinchlik o‘rnatish bo‘yicha vijdonan muzokaralar olib borishdan bosh tortsa yoki tinchlik shartnomasi tuzilganidan keyin Ukraina suverenitetiga putur yetkazadigan boshqa harakatlarni, jumladan, harbiy bosqinni amalga oshirsa, ushbu sanksiyalar joriy etiladi", – deya sharhlaydi qonun loyihasi mualliflari.
Senatorlarning ta’kidlashicha, ular Trampning o‘t ochishni to‘xtatish masalasida Rossiyadan hafsalasi pir bo‘lganiga qo‘shiladilar.
Avvalroq Grem va Blyumental Rossiyaga nisbatan qo‘shma qonun loyihalarini ilgari surgan edi. 2022 yil sentyabr va 2024 yil iyun oylarida ular Rossiyani “terrorizmga homiylik qiluvchi davlat” sifatida tan olishni taklif qilgan edi. 2025 yil mart oyida ular Rossiyaning 300 milliard dollardan ortiq muzlatilgan aktivlarini musodara qilib, Ukrainaga topshirishga chaqirdi. Biroq bu tashabbuslarning barchasi yakuniga yetmagan.
Cho‘ntakka zarba: Go‘sht narxi “uchib ketdi” – O‘zbekistonda mart oyida 9,1% oshdi!
Quvayt endi Eronga oshkora va’da berdi
TEZKOR AXBOROT: O‘zbekistonning ba’zi hududlarini suv bosishi mumkin
