Donald Tramp ma’muriyati Janubiy Afrikadan kelgan oq tanli qochqinlarga Qo‘shma Shtatlarga tez fursatda moslashishlarini va’da qilmoqda. AQSh rasmiylari ularning qabul qilinishini Janubiy Afrikada oq tanli fermerlarga nisbatan sodir bo‘layotgan ehtimoliy “genosid” bilan izohlamoqda.
"Biz, zo‘ravonlikdan qochgan va bu yerga yetib kelgan ushbu odamlarga fuqarolik berdik", — deya ta’kidladi Qo‘shma Shtatlar prezidenti.
Mutaxassislar esa Tramp tomonidan aytilgan va o‘ta o‘ngchi doiralarda ommalashgan “oq tanlilar genosidi” to‘g‘risidagi nazariya haqiqatga to‘g‘ri kelmasligini ta’kidlashmoqda. Janubiy Afrikada jinoyatchilik darajasi rostdan ham yuqori, bu fermerlarga ham ta’sir qiladi, ammo bu muammo barcha etnik guruhlarga taalluqli.
Joriy yilning fevral oyida Tramp ma’muriyati Janubiy Afrika Respublikasidagi oq tanlilarga nisbatan bo‘layotgan “irqiy ta’qib va zo‘ravonliklar” tufayli ularga qochqin maqomini berishini e’lon qilgan edi.
Ommaviy axborot vositalarining xabar berishicha, Qo‘shma Shtatlar 2025 yil davomida bunday qochqinlardan 1000 nafarini qabul qilishni rejalashtirmoqda. Bu qaror Tramp ma’muriyatining boshqa mintaqalardan kelgan migrantlarga nisbatan keskin migrasiya siyosatiga mutlaqo zid hisoblanadi.
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
AQSh Ukrainada abadiy urush o‘tkazish istagini e’lon qildi
Xotira va qadrlash kunida O‘zbekiston bayrog‘i bilan chiqqan yoshlar rusparastlar qarshiligiga uchradi
