Dunyoda ichki ko‘chirilganlar soni 83 million kishidan oshdi

Oxirgi olti yil ichida dunyo bo‘ylab o‘z uyini tashlab ketganlar soni ikki baravar oshdi: 2018-yilda bu ko‘rsatkich 40,6 million kishini, 2020-yilda – 54,1 millionni, 2022-yilda – 69,8 millionni tashkil etdi.

Norvegiya Qochqinlar Kengashi (NRC) hisobotiga ko‘ra, 2024 yilda majburiy ko‘chirilganlarning 90 foizi (deyarli 73,5 million) mojarolar va zo‘ravonliklar tufayli ko‘chirilgan. Bu 2018-yilga nisbatan 80 foizga ko‘pdir. Tabiiy ofatlar 10 millionga yaqin odamning o‘z mamlakatlari ichida qochib ketishiga sabab bo‘lgan, eng ko‘p soni Afg‘oniston (1,3 million), Chad (1,2 million), Filippin (1 million), Efiopiya (757 ming) va Somalida (733 ming).

NRC rahbari Yan Egeland yangi raqamlar "global birdamlik uchun uyg‘onish qo‘ng‘irog‘i" bo‘lib xizmat qilishi kerakligiga ishonadi. “Har gal insonparvarlik yordami to‘xtatilsa, boshqa ko‘chirilgan odam oziq-ovqat, dori-darmon, xavfsizlik va umiddan mahrum bo‘ladi”, dedi u.