Dunyoda birinchi marta karkidonning oyog‘i cinganida jarrohlik amaliyoti o‘tkazildi

Buyuk Britaniyada Knowsley Safari bog‘ida karkidon muvaffaqiyatli operasiya qilindi, deb xabar bermoqda BBC.

Buyuk Britaniyadagi Knowsley Safari bog‘ida Amara ismli karkidon shu yil boshida oqsoqlana boshlagan va tekshiruvdan so‘ng uning o‘ng old oyog‘i singanligi aniqlangan.

10 nafar veterinariya guruhi operasiyani o‘tkazishga qaror qildi. Anesteziya ostida bo‘lgan Amara qafasda uzoq vaqt operasiya qilindi. Uning oyog‘i 6 oy gipsda edi, bu uning harakatchanligini cheklab qo‘ydi.

Amara onasi bilan bir hududga joylashtirildi va davolanishni tugatgandan so‘ng u yana oyoqqa turdi.

Operasiyada ishtirok etgan Liverpul universitetidan doktor Devid Stak Amaradagi operasiya ularning amaliyotida misli ko‘rilmaganini ta’kidladi.

Uning qo‘shimcha qilishicha, ular kamerani bo‘g‘imga joylashtira olishlarini bilishgan, ammo shikastlangan joyning qancha qismini ko‘ra olishlariga ishonchlari komil emas.

Stekning ta’kidlashicha, karkidonni davolash haqiqatan ham veterinariya sohasida yangi tajriba bo‘lib, kelajakda shu kabi vaziyatlarda boshqa jamoalarga yordam berishi mumkin bo‘lgan ko‘plab yangiliklarni o‘z ichiga oladi.