Dubay naqd puldan voz kechmoqchi

2026 yil oxiriga kelib Dubaydagi moliyaviy operasiyalarning 90 foizi raqamli shaklda amalga oshiriladi.

"Dubaydagi davlat va xususiy sektordagi barcha to‘lovlarning 90 foizi 2026 yil oxiriga kelib naqd pulsiz amalga oshiriladi", - deb xabar berdi Dubay hukumati matbuot xizmati.

Naqd pulsiz to‘lovlarga o‘tish strategiyasi ilk bor 2024 yilda e’lon qilingan edi. Uning maqsadi banknotalar va tangalarni yo‘q qilish va Dubayni naqd pulsiz shaharga aylantirish bo‘yicha ulkan rejani amalga oshirishdir.

Ushbu rejani amalga oshirish vositalari bank va boshqa ilovalar, kartalar va kelajakda raqamli to‘lovlarda sun’iy intellektga asoslangan innovasiyalarni o‘z ichiga oladi. Amirlik rasmiylari Dubayning moliyaviy innovasiyalar bo‘yicha jahon markaz va raqamli iqtisodiyotda jahon yetakchi sifatidagi mavqeini mustahkamlashni rejalashtirgan.