“Dori-Darmon” AK plakvenil haqidagi maqolaga raddiya berdi

“Dori-Darmon” AK axborot xizmati “Kun.uz” saytining  “Bir doriga shuncha qo‘riqchi yoki “Plakvenil” bahslari qachon tugaydi?” nomli maqolasi xaqida:

Bugun jurnalistlar, ayrim tibbiyot sohasi vakillari fikri bilan bir tomonda va Koronavirusga qarshi kurashayotgan shtab a’zolari – sog‘liqni saqlash tizimi mutaxassislari ikkinchi tomonda bo‘lib qoldi, nazarimizda.

Biz jurnalistlar imkon doirasida koronavirusni oldini olish borasida yurtimizda olib borilayotgan ishlarni haqqoniy va tezkorlik bilan xalqqa yetkazishga harakat qilamiz. Dastlab, bemorlar sog‘ayib, uyiga chiqqanda shifokorlarni olqishladik, ularga atab roliklar, she’rlar, maqolalar yozdik. Bugun esa, ularni noto‘g‘ri dori qo‘llayotganda ayblashga oshiqmoqdamiz.

Bu virusga qarshi kurashda dunyo mutaxassislari endi tajriba to‘playotgani va fikrlar xilma-xilligi tabiiy bo‘lishini ham unutmaslik kerak.