2024-yil sentyabrida kuchaytirilgan chegara nazorati joriy etilganidan beri Germaniya noqonuniy kirishlar sonining kamayishini qayd etdi. Bild tomonidan ko‘rilgan xavfsizlik kuchlarining yopiq hisobotiga ko‘ra, 2025-yilning dastlabki uch oyida 33.406 ta chegarani noqonuniy kesib o‘tishga urinish aniqlangan, shundan 10.000 dan ortiq kishi zudlik bilan qaytarilgan. Eng ko‘p qoidabuzarliklar Fransiya bilan g‘arbiy chegarada va sharqda - Polsha va Chexiya bilan qayd etilgan.
Hisobotga ko‘ra, 2025-yil mart oyida Fransiya bilan chegaradan 547 kishi, asosan, Jazoir, Suriya, Turkiya va Afg‘oniston fuqarolari qaytarilgan. Janubda Avstriya va Shveysariyadan 782 kishi mamlakatga kiritilmagan, sharqiy chegaralarda esa ukrainaliklar alohida ajralib turadi, bu mart oyida rad etilgan barcha holatlarning deyarli yarmini tashkil etadi - 696 tadan 332 tasi.
Germaniyaning shimoliy chegaralari doimiy ravishda past darajadagi qonunbuzarliklarni ko‘rsatmoqda.
“Finlyandiyaning Rossiya bilan barcha o‘tish joylarini yopish to‘g‘risidagi qarori munosabati bilan yaqin kelajakda bu yo‘nalish bo‘ylab migrasiya oqimining qayta tiklanishi kutilmayapti”, — deyiladi xabarda.
Federal polisiya ittifoqi vise-prezidenti Manuyel Ostermanning fikricha, "chegaralar endi nafaqat Germaniya, balki uning qo‘shnilari tomonidan ham nazorat qilinadi - bu domino effektini boshlaydi".
"Germaniya endi og‘ir yukni ko‘tara olmaydi. Qochqinlarni birinchi ro‘yxatdan o‘tgan mamlakatlarga - Yevropa Ittifoqining tashqi chegarasidagi davlatlarga qabul qilish mas’uliyatini qaytarish vaqti keldi", - deya ta’kidladi Osterman.
Dahshat! Vafot etgan 88 yoshli ayol tobutda hushiga keldi
Hindiston cho‘kib ketmoqda - yarim milliondan ortiq qurbonlar
"New York Times": "O‘zbekiston bunday tarixiy natijani qo‘lga kiritgan uchinchi mamlakat bo‘ldi"
