Stavropol Aleksandrovskiy tuman sudi 2023 yil oktabr oyida Maxachqal’adagi Isroilga qarshi namoyish ishtirokchilariga sakkiz yildan to‘qqiz yilgacha qamoq jazosi tayinladi, deb xabar berdi Rossiya Federasiyasi Bosh prokuraturasi.
Janmirza Aliyev, Ali Amirxonov, Alimurat Babatov, Zapir Botirbekov, Ramazon Karnayev, Ismoil Salmaxanov, Maxach Tuchuyev «Isroil fuqarolariga dushmanlik» ko‘rsatib, tartibsizliklarda ishtirok etib, huquq-tartibot idoralari xodimlarining talablarini bajarishdan bosh tortgan, deya sud hukmi chiqardi.
29-oktabr oqshomida Maxachqal’a aeroportida Isroilning G‘azo sektoridagi tajovuzi qurbonlari haqida kelayotgan xabarlar fonida isroilga qarshi o‘z-o‘zidan norozilik namoyishlari bo‘lib o‘tdi.
