Hindistondan keyin Misrda ham «qora mog‘or» – mukormikoz kasalligiga chalinish bo‘yicha 7ta holat qayd etildi. Bu haqda mamlakat shimolida joylashgan Zakazik universiteti rektori Usmon Sha’lyon ma’lum qildi.
Hozirda zamburug‘li kasallikka chalingan bemorlar aynan shu universitet shifoxonasida davolanishmoqda.
Sha’lyonning ta’kidlashicha, «qora mog‘or»ga chalinish holatlari Sharqiya viloyatida kasalliklar, jumladan, koronavirusga chalinish oqibatida immuniteti kuchsizlangan odamlarda qayd qilingan.
«3 nafar bemorda mog‘or bilan kasallangan tana a’zolarini olib tashlash bo‘yicha jarrohlik amaliyoti o‘tkazildi. Bir bemor o‘ta og‘ir ahvolda, qolganlarning holati barqaror», deb ma’lum qilgan universitet rektori.
«Qora mog‘or» sporalari tuproq, chang va organik chirish mahsulotlarida saqlanadi. Ushbu zamburug‘ odam organizmiga aksariyat holatlarda o‘pkani sun’iy shamollatish qurilmalari orqali tushadi. Mutaxassislarning ta’kidlashicha, mukormikoz boshqa zamburug‘lar kabi uzoq vaqt davomida gormonlar bilan davolangan va kislorod ta’minotiga ulangan COVID-bemorlarda aniqlanmoqda. Kasallik, shuningdek, katta dozada steroidlar olgan diabetiklarda ham uchramoqda. Ushbu infeksiya ko‘z, o‘pka va burun-halqumni shikastlaydi.
Ayni vaqtda Hindistonda ushbu kasallikka chalinganlar soni 11 mingdan oshib ketdi.
Buyuk Britaniya Putinga «eng zamonaviy» qanotli raketalar bilan xabar yubordi
Rossiya Britaniyaning “Storm Shadow” raketasini ham, AQShda ishlab chiqarilgan HIMARS reaktiv raketasini ham yo‘q qildi
Eron yetakchisi Ali Xomanaiy komada
