Oliy Majlis Qonunchilik palatasi uchun 4 ta Lacetti-2 rusumidagi avtomobil sotib olinadi. Bu haqda Moliya vazirligi tomonidan ma’lumot berilgan.
Xabar qilinishicha, Oliy Majlis Qonunchilik palatasining Vazirlar Mahkamasi xo‘jalik faoliyati boshqamasi Avtoxo‘jaligi uchun 4 ta Lacetti-2 avtomobilini qo‘shimcha tarzda ajratish to‘g‘risidagi taklifi ma’qullangan. Avtomobillar Qonunchilik palatasiga biriktirilgan.
Moliya vazirligi tomonidan aniqlik kiritilishicha, yangi xizmat mashinalarini sotib olish uchun Vazirlar Mahkamasining zaxira fondidan 430 million so‘m ajratiladi.
