Bu haqda “Inson qadrini ulug‘lash va faol mahalla yili” Davlat dasturining 10-maqsadida (Davlat fuqarolik xizmati tizimini zamonaviy standartlar asosida tashkil etish) keltirilgan.
Dasturning 37-bandida davlat organlarida ish vaqti va mehnat me’yorlari bo‘yicha talablarni qayta ko‘rib chiqish va ularga rioya etilishi ustidan nazoratni kuchaytirish vazifasi belgilgan.
▶️ Mazkur band ijrosini ta’minlash maqsadida 2022 yilning iyul oyiga qadar quyidagilar amalga oshiriladi:
➖ Davlat organlarida ish vaqti va mehnat me’yorlari bo‘yicha qonunchilikni qayta ko‘rib chiqish va Xalqaro Mehnat Tashkiloti standartlari asosida takomillashtirish.
➖ Davlat fuqarolik xizmatida xodimlarning mehnat huquqlarini himoya qilishga oid samarali mexanizmlarni ishlab chiqish.
➖ Davlat fuqarolik xizmatida mehnat munosabatlaridagi huquqbuzarliklar uchun ta’sirchan choralarni belgilash.
➖ Moslashuvchan ish rejimi va faoliyatni masofaviy tashkil etish mexanizmlarini belgilaydigan tartib ishlab chiqish.
➖ Davlat fuqarolik xizmatida mehnatni muhofaza qilishda monitoring faoliyatini joriy etish.
➖ Monitoring faoliyatida davlat organlari, xususan Davlat xizmatini rivojlantirish agentligi va Bandlik va mehnat munosabatlari vazirligining vakolatlari hamda funksiyalarining aniq chegarasini belgilash.
✅ Ushbu vazifalarni amalga oshirish uchun mas’ul ijrochilar etib — Prezident huzuridagi Davlat xizmatini rivojlantirish agentligi, Bandlik va mehnat munosabatlari vazirligi, Adliya vazirligi belgilangan.
