AQSh Davlat departamenti yakshanba kuni Quddusning Eski shahrida sodir etilgan teraktni qoralab, yo‘lovchilarni olib ketayotgan avtobusga qilingan hujumda besh amerikalik fuqaro jarohatlanganini tasdiqladi.
"AQSh kamida sakkiz kishi, jumladan, kamida besh AQSh fuqarosi yaralangan ushbu hujumni keskin qoralaydi. Yaralanganlarning tezda sog‘ayib ketishini tilaymiz", - deyiladi Davlat departamenti yozma bayonotida.
Bayonotga ko‘ra, Vashington ushbu hujum yuzasidan Isroil rasmiylari vakillari, shuningdek, otishmada jarohatlangan amerikaliklarning oilalari bilan yaqin aloqada.
