Daniyada minglab namoyishchilar AQSh prezidenti Donald Trampning Grenlandiyani egallash rejalariga qarshi ko‘chaga chiqdi. Bu haqda mahalliy Politiken nashri xabar berdi.
Namoyish mamlakatning ikkinchi yirik shahri Orxusda bo‘lib o‘tdi. Unda faollar va Grenlandiya aholisi ishtirok etdi. Gazeta ma’lumotlariga ko‘ra, mitingda taxminan 8 ming kishi qatnashgan.
Namoyish ishtirokchilari orol taqdiri uning o‘z xalqi tomonidan hal qilinishi kerakligini ta’kidlab, Daniya hech qachon o‘z hududini siyosiy maqsadlarda topshirmasligini bildirishdi.