Daniya hukumati harbiy xarajatlarni oshirish uchun pulni qayerdan olishni bilmayotganini ma’lum qildi

Daniya bosh vaziri Mette Frederiksenning aytishicha, mamlakat hukumati mudofaa xarajatlarini oshirish uchun pulni qayerdan olishni hali bilmayapti. Bu haqda DR teleradiokompaniyasi xabar bermoqda.

Hukumat mudofaa xarajatlarini oshirish uchun pulni qayerdan oladi, degan savolga Mette Frederiksen: "Daniya hali bilmaydi", dedi.

OAV ma’lumotlariga ko‘ra, Daniya hozirda o‘z yalpi ichki mahsulotining 2,4 foizini mudofaaga sarflaydi. Daniya Bosh vaziri, mudofaa xarajatlarini oshirish yangi vazifa emasligini ta’kidladi, Daniya hukumati so‘nggi bir necha yil davomida bu borada ish olib bormoqda.