Dahshatli suv toshqini tufayli Ispaniya kubogining ikkita o‘yini qoldirildi

Ispaniyada kuchli yomg‘irlar dahshatli suv toshqinlarini keltirib chiqardi. Rasmiy ma’lumotlarga ko‘ra, kamida 51 kishi halok bo‘lgan.

Ispaniya Qirollik futbol federasiyasi chora ko‘rishga majbur bo‘ldi - kubokning ikki o‘yini ko‘chirildi. Gap "Parla Eskuela" - "Valensiya" va "Pontevedra" - "Levante" uchrashuvlari haqida ketmoqda. O‘yinlar ko‘chirilgani to‘g‘risidagi ma’lumot federasiyaning rasmiy saytida joylashtirilgan.

Ispaniya federasiyasi vaziyatni kuzatishda davom etmoqda. Yana boshqa o‘yinlarni ham ko‘chirishga to‘g‘ri kelishi ehtimoldan xoli emas.