O‘zbekiston Respublikasi Farg‘ona viloyati hokimligi va Xitoyning China Xiaou Group kompaniyasi o‘rtasida ichki yonuv dvigatelli yengil avtomobillar va elektromobillarni yig‘ish korxonasini tashkil etish bo‘yicha kelishuv imzolandi.
Loyihaning qiymati 1,5 milliard dollarga baholanmoqda.
Amalga oshirish muddati - besh yil.
Birinchi bosqichda Xitoy kompaniyasi yiliga 60 mingtagacha avtomobil ishlab chiqarish quvvatiga ega yirik yig‘ish va bo‘yash liniyalarini ishga tushirishni rejalashtirmoqda.
Investisiyalar hajmi: 50 million dollar.
Ikkinchi va uchinchi bosqichlarda ishlab chiqarishni mahalliylashtirish va ishlab chiqarish hajmini 110 mingtaga yetkazish kutilmoqda.
Investisiyalar hajmi mos ravishda 350 million va 1,1 milliard dollarni tashkil etadi.
