Xitoyning China Everbright Group korporasiyasining sobiq raisi Tang Shuangning 12 yillik qamoq jazosiga hukm qilindi.
Bu haqda CCTV telekanali xabar berdi.
Sud uni korrupsiya, poraxo‘rlik va shaxsiy manfaatlar yo‘lida mansab vakolatlarini suiiste’mol qilishda aybdor deb topdi.
Tang Shuangning yanvar oyida hibsga olingan edi.
China Everbright Group ma’muriy jihatdan Xitoy Xalq Respublikasi Davlat kengashiga bo‘ysunuvchi yirik diversifikasiyalangan davlat xoldinglaridan biri hisoblanadi. Korporasiya aksiyadorlari orasida Xitoy Moliya vazirligi ham bor.
