Toshkent shahar Chilonzor tumanida yashovchi 29 yoshli P.A. IIOga murojaat qilib, bank kartasidan 600.000 so‘m miqdoridagi pul mablag‘lari noma’lum shaxs tomonidan firibgarlik yo‘li bilan o‘zlashtirilganligini ma’lum qilgan.
Tezkor-qidiruv xizmati Kiberxavfsizlik bo‘linmalari xodimlari tomonidan o‘tkazilgan tezkor-qidiruv tadbirlari natijasida, mazkur jinoyatni Toshkent shahar Uchtepa tumanida yashovchi 22 yoshli N.G. sodir etganligi aniqlangan.
Unga ko‘ra, N.G. bekatda turgan P.A.ning mobil qurilmasidan qo‘ng‘iroq qilib olishni iltimos qilib, P.A.ga sezdirmasdan “Click” ilovasiga kirib, o‘zining mobil qurilmasiga "SMS" xabarnoma yuborish orqali boshqaruv huquqini qo‘lga kiritib, 600.000 so‘m miqdordagi pullarni o‘ziga tegishli bo‘lgan bank kartasiga o‘tkazib olganligi ma’lum bo‘ldi.
Mazkur holat yuzasidan O‘zbekiston Respublikasi JKning 168-moddasi 3-qismi "b" bandi bilan jinoyat ishi qo‘zg‘atilib, N.G.ning sodir etilib, fosh etilmay qolgan boshqa shu turdagi jinoyatlarga aloqadorligini tekshirish maqsadida tergov, tezkor-qidiruv harakatlari davom ettirilmoqda.
Qonunga muvofiq, O‘zbekiston Respublikasi Jinoyat kodeksining 168-moddasi 3-qismi "b" bandidagi jinoiy xatti-harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.
Hokim o‘rinbosari o‘zini yoqib yubordimi?
Andijon hokimi Shuhrat Abdurahmonov jinoyat sodir etgani haqida xabarlar tarqaldi
“Ota-onam men bilan gaplashmaydi…” Bloger Maryam Tillayeva shaxsiy hayoti haqida intervyu berdi
