Chexiya mudofaa vaziriga Ukraina mavzusida fikr bildirish taqiqlandi

“Ozodlik va ochiq demokratiya” partiyasi vazir Yaromir Zunaga shunday taqiq qo‘ygan.

OAVga ko‘ra, Zunaning Kiyevni qo‘llashni davom ettirish haqidagi bayonoti tufayli partiyada noroziliklar boshlangan. Vazir so‘zlarini qaytib olishi yoki iste’foga chiqishini so‘rovchilar ham paydo bo‘lgan.

Partiya rahbari Tomio Okamura Zuna bundan buyon Ukraina mavzusida fikr bildirmasligini, Kiyevni qo‘llab-quvvatlash bilan bog‘liq barcha masalalar bosh vazir Andrey Babishga yo‘naltirilishini ma’lum qilgan.

Shuningdek, Chexiya Mudofaa vazirligining yangi rahbari Yaromir Zuna Ukrainaga tashrif buyurishdan bosh tortdi.