Chet eldan qaytganlar va xorijliklar uchun majburiy OIV tekshiruvi joriy qilinadi

Parlamentda muhokama qilinayotgan qonun loyihasi bilan 18 yoshdan 60 yoshgacha bo‘lgan 90 kundan ortiq muddatda chet elda bo‘lib qaytganlar hamda ishlash uchun O‘zbekistonga kelgan xorijliklarni majburiy ravishda OIVga tibbiy tekshiruvdan o‘tkazish belgilanmoqda.

O‘zbekiston fuqarolarini OIVga majburiy tibbiy ko‘rikdan o‘tkazish davlat byudjeti mablag‘lari hisobidan, chet el fuqarolari uchun esa ularning shaxsiy mablag‘lari hisobidan amalga oshiriladi.