"Chegarasiz dunyo g‘oyasi ahmoqona edi": Marko Rubio Myunxenda G‘arbning xatolarini sanab o‘tdi

Chegarasiz dunyo g‘oyasi va milliy manfaatlarning global tartib bilan almashinishi haqidagi fikr ahmoqona g‘oya edi va G‘arb buning uchun yuqori badal to‘lashiga to‘g‘ri keldi.

Ushbu fikrni AQSh Davlat kotibi Marko Rubio Myunxen xavfsizlik konferensiyasida bildirib o‘tdi.

"Qoidalarga asoslangan ushbu tartib milliy manfaatlar o‘rnini egallashi, biz chegarasiz dunyoda yashashimiz va hamma dunyo fuqarosi bo‘lishi haqidagi fikr ahmoqona g‘oya edi", — dedi u.

Uning so‘zlariga ko‘ra, G‘arbda iqtisodiy va savdo aloqalari davlatning vazifalari o‘rnini bosishiga umid qilishgan edi.

"Biz buning uchun yuqori badal to‘ladik. Biz erkin va tartibga solinmagan savdoning dogmatik mafkurasini qabul qilgan edik", — deya ta’kidladi Rubio.